首頁   |   網上商店   |   Blog   |   傳媒訪問   |   加入我們   |   聯絡我們   |  ENGLISH
公平點通訊
網站搜尋
分享至
 
關於我們 > 傳媒訪問

晴報- 反思孟加拉製造

反思孟加拉製造
晴報 20/05/2013 

你着緊嘅衫來自邊度?構思可能係出自巴黎、米蘭,製作卻可能是中國,甚至是上月發生工廠倒塌嘅孟加拉。
孟加拉係世界第二大成衣出口國,好多國際品牌都喺嗰度有生產綫,但勞工安全同權益卻一直受到忽視。
黛安未曾到過孟加拉,前兩日從多次到訪當地嘅公平貿易動力兼公平點總監趙善榮(Anthony)口中,了解呢個國度不少。


選擇有企業責任的公司
聽 Anthony 講,孟加拉首都達卡工廠開到成行成市,不少工廠都係24小時運作,從街上望入去,大部分時間都燈火通明;員工大都住喺鄰近搭建嘅臨時屋,衞生環境惡劣。佢哋每日起碼工作10至12小時,賺取僅約300港元嘅月薪。
雖然工廠貼有安全指引,但管工多係有例不依。試過火警時,管工居然唔畀工人走,叫佢哋留低做嘢。咁都得?認真離譜!


近年好多內地廠房因成本上漲而遷到孟加拉,當中不乏港商,但安全設施唔見得好好。最近H&M同Zara等多個大品牌承諾改善工作環境,希望係一個轉變嘅開始。
好多當地人同Anthony講,有得揀都唔想去達卡,寧可留喺農村耕田,一年都可賺到一千多港元。可惜普遍人都無自己嘅地,喺鄉下都係做人哋僱工,同樣要畀人剝削。
點先可以幫到當地人?Anthony叫黛安要選擇有企業責任嘅公司幫趁。而近十年,陸續有公平貿易機構轉賣孟加拉農村婦女嘅手工藝品,並提供合理薪金。黛安喺公平點網頁搵到孟加拉製小布袋、手鐲、頸巾、肥皂等。為表支持,我都買咗幾件送畀朋友。

【返回】
 
關於我們 關於公平貿易 我們的生產者 如何購買 最新消息 聯絡我們
公平點 ( FAIR CIRCLE )

我們是誰
架構圖
我們的團隊
年度報告
傳媒訪問
簡介公平貿易
教育資源
工作坊/講座
訪問邀請
影片
資源下載
關於生產者
我們的生產者
購買公平貿易
下載產品目錄
訂購表格
網上訂購
貨品批發
公平貿易食譜
最新消息
活動日誌
活動回顧
產品推廣
電子通訊
公平點博客
尋找我們
加入我們
公平點之友
常見問題